تشكي علي الحال من ضيقة البال
وتقول ضايقةٍ عليك الوسيعه
ما تدري ان الوقت ما هو على حال
اما يطيعك غصب و الا تطيعه
لا تامن الدنيا على كل الاحوال
واصبر على دهر الزمان و ربيعه
صحيح ما حنا من ارباب الاموال
ما نشتريه اليوم باكر نبيعه
وجيهنا تدرك على بيض الافعال
و نفوسنا عن كل عيبٍ رفيعه
نبعد عن دروب الخيانه والانذال
و نقدّر الطيّب و نشكر صنيعه
ما اهبلك يا اللي عايشٍ تجمع المال
اقنع و دورات الليالي سريعه
ما انت بتشوف الناس نازل و رحال
والكل منهم مودعٍ له وديعه
هوايل الدنيا عريضات و طوال
في بطنها حزن و عذاب و فجيعه
راجع حسابك وانت في وقت الامهال
ترى الندم ما اسمن ولا اغنى ضريعه
الشاعر / فهد المفرج
Category
Show more
Comments - 29
Related videos for تشكي علي الحال من ضيقة البال الولايات المتحدة الأمريكية: