Romantic Ghazal of Prakat Pangeni :
साँझमा दियो बाली राख्यौ को आउँदै छ आज
हातका औंला चाली राख्यौ को आउँदै छ आज
हिजो अस्ति उप्किएका घरका छेउकुना
बिहान देखि टाली राख्यौ को आउँदै छ आज
एउटा फूल भगवानलाई टिपे भै हाल्थ्यो त
सिंङ्गै फूलको डाली राख्यौ को आउँदै छ आज
अगरबत्ती जलाएर तुलसीको मठमा
छेउमा पुजा थाली राख्यौ को आउँदै छ आज
बिहान देखि सजिएर श्रीङ्गार पटार गरि
शिरको सिउँदो खाली राख्यौ को आउँदै छ आज